Iligan.Ga-brown out.
Fine! Nadawat na nako nga ang kuryente nga gihimo sa Maria Crisitina kay mipadulong tanan sa mga butakal ug mga buwaya. Fine, nadawat na nako na bahalag unsa pay mga ginasibya sa radyo ug sa mga press releases. Nadawat na nako nga ang bag-ong meaning sa Iligan sa Websters kay BROWN OUT.
Dawaton ang kamatuoran kay kana ray mulingkawas kanato niining kalibutana.
Karon, unsaon man nato pagdawat sa kamatuoran kung kita mismo ang ginabinuangan. Naay schedule sa brown out pero dili tumanon. Nganu mana? Daghan ka nato ang nag-agad sa schedule sa brown out. Dili na lang gani tah magreklamo na kay kapoy na. Pero nganung dili man sundon ang maong schedule?
Tungod niana, daghan ang nauli ang ilang pagdahom sa kalagot. Ikaw daw ang gadahom nga ala-una sa hapon pa mu-brown out pero grabe nimo'g duko sa imong buluhaton sa PC ug sa dihang ni-brown out lang sa pagka 7:30am ug nibalik ug alas-singko! O.o
Lisud ba diay nga musubay sa gibuhat nga schedule? Kamo man gihapon ang gabuhat ana, nganung dili pajud masunod? Agoi! Dili magpa-borj-borj hap. Daghan ang gabuhat sa ilang mga bulutanon ug gadepende lang sa inyong schedule. Nagkinatok na gani ang kuryente sa Iligan unya magkinatok pajud ang schedule niini. Murag dili na na maayo.
Hinaot ko, ug sa uban ng nakasinati perha niini, sa taga-ILPI o si kinsa man ang gabuot-buot sa pagpalong-siga sa kuryente nga tarungon sad ninyo pagdala ang mga tawo dinhi sa atong dakbayan.
Salamat na lang.
